الركنة المودرن اصبحت من أهم الغرف التى تهتم بها كل اسرة عند تجهيز شقة الزوجية لاحد ابنائها فهي عصرية وانيقة وعملية مقارنة بالصالون الخشبي.
بالاضافة الى انها تتميز باستايلات والوان تمنح المنزل مظهر انيق وجديد لما لها من اشكال متعددة والوان ايضا مختلفة.
ولا يقف الامر على الشقق التى تتأسس حديثاً انما الكثير من الاسر ترغب في التجديد طبقا لاحدث الصيحات خاصة فيما يتعلق بغرف المعيشة والاستقبال واستبدال الصالونات بالركنة.
بالاضافة لكونها حل ممتاز لاصحاب المنازل الضيقة لانها تستغل المساحة الموجودة وتنفذ طبقاً للمساحة المتوفرة.
وعند اتخاذ قرار شراء ركنة فإما ان يكون بشراؤها جاهزة او اللجوء إلى تصنيعها لدى احدى الورش وعند اتخاذ هذا القرار فلابد من ان ياتى لاذهاننا العديد من التساؤلات مثل:
- ما هي أنواع الركنات؟
- ما هى أجود أنواع الأخشاب المناسبة لتصنيع الركنة او النوع اللى هسأل عنه وانا بشتريها جاهزة؟
- ما هي أنواع القماش ؟
- هل التركيز في اختيار اللون فقط أم ايضاً في الخامة؟
- وما هى الالوان الحديثة وهل امشى ورا الوان الموضه وتبطل بعد شويه ولا أعمل ايه؟
- كمان هل فكرت في نوع الاسفنج اللى هتستخدمه في الركنه؟ هل هو نوع واحد ام هناك انواع متعددة وما هى افضلها؟
- ما هى احدث الموديلات في الركنات وهل الركنه تصلح في اى مكان؟ وفي اى مساحة؟
“تعرف أيضًا عن الوان ركنات مودرن؛ تعرف على احدث الوان للركنيات في 2023“
أنواع الركنات
ركنة حرف L
ركنة حرف C
ركنة حرف يو
ركنة سرير
ركنة جلد
ركنة صغيرة
معايير يجب مراعتها عند شراء أو تنفيذ الركنة
وهى ستستخدم كسرير وذلك اذا كانت الغرفة صغيرة وغير مستحب وضع كنبة وسرير بنفس الغرفة.
مكانًا لتخزين الأشياء.
ألوان الغرفة والسجاد وتناغمهم مع بعضهم ومع الوان الركنة بحيث لا تزيد الالوان الاجمالية في الغرفة عن اربعة الوان حتى لا ترهق العين.
حجم الركنة وعدد المقاعد يتحدد طبقاً لمساحة الغرفة.
شكل وضع الركنة في مواجهة الحائط، يجب أن يكون الجزء الأطول مواجهًا لأطول جزء من الحائط.
بدلاً من ذلك، إذا كانت الأريكة الزاوية موضوعة بعيدًا عن الحائط أو وتتقاطع مع الغرفة، فأنت بحاجة إلى توفير مساحة كبيرة لتتجاوزها بحرية.
نوصي بإنشاء نموذج لغرفتك باستخدام بعض الأوراق لتجربة الأريكة في أوضاع قليلة قبل إجراء عملية الشراء.
الاختيار بين الركنة الزاوية اليمنى أو اليسرى مفيد بشكل خاص إذا كان لديك عائق في الحائط الغرفة.
ينصح المصممون بعدم وجود هياكل كبيرة في غرفة بمساحة صغيرة لانها قد تسد مداخل الباب أو عليك نقل أثاثك ليناسب الركنة.
نوصي باستخدام شريط لاصق على الأرض لرسم دليل للمكان الذي تريد وضع الركنة فيه.
سيعطيك هذا أيضًا فكرة أولية عن الحجم الذي تريده.
من المهم الانتباه ليس فقط إلى عرضها وطولها، ولكن أيضًا إلى العمق.
أحجام الركنة
أكثر الأحجام شيوعًا: هي طول من 2، 3 إلى 2.8 متر.
عرض الركنة: عروض مشتركة من 1.5 إلى 1.8 م.
العمق: الأكثر ملاءمة هو العمق من 55 إلى 90 سم.
العمق الداخلي: من 48 حتي 50 سم.
ارتفاع الركنة من الأرض:
- يبلغ الارتفاع عن الأرض حوالى 40 سم.
- بينما يبلغ الارتفاع الاجمالى للصوفا 80-90 سم.
أنواع الخشب المستخدم في تصنيع الركنة
الخشب الابيض
ولا يُفضل لانه سهل الكسر.
الخشب السويدى
متوسط عشان تقدر تستخدمه ويكون يستحمل لازم يبقىسمك الخسب كبير وبالتالى مش هتقدر تعمل شكل بسيط منه وهيدى شكل (مبعجر ) وممكن ميطلعش زى ماكنت رسمه في خيالك.
الخشب الزان
وهو من أجود وأمتن أنواع الخشب في العالم لانه بيتميز بكثافته العالية وعشان كده بيستخدم دايماً في عمل الموبيليا.
وهو أنواع وأحسنه الزان الرومانى الاحمر وخاصة أن فيه بعض الشركات بتعمله عملية تجفيف عشان تموت الثمره بتاعته وده بيساعد اكثر على قوه تحمله.
وبالتالى بيدى نتيجة حلوة اوى بيستحمل الضغط وتنطيط الاطفال والحلو فيه كمان انه مش بيخلي فيه بيئة مناسبة للحشرات والأحلى من ده كله اننا نقدر نعيد تنجيده تاني.
يعنى من الاخر الفلوس اللى بتدفع فيه مش بتضيع طيب وازاى نعرفه هو لونه لون النسكافيه 3*1 وفيه منه نوع بيكون لونه بيج محمر والثمره بتاعته عبارة عن خطوط متقطعة كأنها نقط.
أنواع الإسفنج
فيه انواع من شركات معتمدة ودى بتبقى افضل انواع اما الانواع الاخرى اللى ممكن يدخلك فيها المنجد اللى بيعملك الركنة فمش بتعيش كتير وبيعدى وقت قصير وبتلاقي الشلتة هبطت وبقيت قاعد على الخشب.
عشان كده اضمن حاجة نجيب نوع اسفنج من الانواع المعتمدة وبأكد عليها تانى صعب تبقى مكلف خشب وقماش والاسفنج يضيعلك الشكل ويتعبك في الاستعمال.
الأقمشة ومتوسط أسعارها
ما هى مواصفات القماش؟
سمك القماش:
لازم يبقى قماش سميك يعنى (تقيل).
اختار القماش اللى بيكون ليه سمك كبير مش الرفيع عشان يستحمل في التفصيل ويستحمل بعد كده في الاستعمال.
النسيج:
احسن نسيج في السوق هو النسيج التركى الخامة محترمة وليها سمكو نسبة البوليستر فيها قليلة والفايدة في كده ان اى لسعه في القماشة مش بتكبر وتفرش.
القماش الووتر بروف (ضد الاتساخ) اللى ليه طبقتين والهدف منها هو الحفاظ على اتساخ الفايبر والاسفنج الداخلي كمان ما يكونش نسبة البوليستر عاليه في القماش عشان ميحررش وطبعا دى حاجة مهمة جداً.
الجلد وده ياريت نبعد عنه في الاستخدام المنزلى ممكن في المكاتب لكن بالنسبة للمنازل الجلد استخدامه هيكون بحرص شديد عشان اى قطعة فيه هتبان ومش هتتعالج.
وطبعا احنا عارفين اولادنا بيتعاملوا ازاى مع الكورنر المنزلى خاصة السن الصغير، وحتى مش الاطفال بس ده ممكن حد يكون قاعد وفي جيبه حاجة حادة شوية زى ميدالية مثلا ويحصل فيه قطع ومش بيتعالج.
الجلد المقلوب (الصيني) وعن تجربة شخصية بقولكوا ابعدوا عنه خااااالص ليه؟
الموجود منه خفيف جدا بيتقطع بسهولة غير انه مع الجلوس عليه بيتمط ومش بيرجع تاني وطبعا ده يفرق عن الجلد المقلوب التركي، الاخير طبعا افضل بكتير و كمان السعر بينه وبين التركي كبير.
انواع القماش الموجودة في السوق عموماً
الشانيليا وده أجود انواع القماش التركى وده سعره عالى شوية فوق 60 جنيه.
المخمل لكن ده أصلا للستاير لان قماشته ضعيفة ويبدأ سعره من 80 جنيه.
البرنت وده نوعه حلو وهو الافضل للركنة ويبدأ سعره من 75 حتى 95 جنيه.
برشلونة وده جلد مشغول وفيه لمعه شوية ومتوسط سعره 80 جنيه.
فيردى وفيه لمعه فضى ووزن التر فيه اكتر من 400 جرام وسعره يبدأ من 100 حتى 200 جنيه.
نابولي جلاكسي قماشة ايطالي ودى سعر المتر في السبعينات.
أليسا ومارفيل ونيرفانا وقطيفة وسعره 45 جنيه.
شامبين رصاصى وتفاحي ومتوسط سعره من الثمانينات الى التسعينات.
وسافنا ومايا وفيه الكتان المصري وسعرهم يبدأ من 240 حتى 345 جنيه.
افضل الالوان وليه هى افضل في الاستخدام
في حاجة من الاتنين اما نمشي ورا الموضه ونعمل الوان مطرقعة اخضرات مع اورنجات وتيجى موضتها تتغير فلازم اغيرها.
او انى اعمل الالوان الهادية اللى موضتها مش بتروح زى البيجات، والازرقات والرماديات وطبعا اللى هتكون مناسبة لألوان الشقة والستائر والسجاد والحوائط.
ابرز اماكن بيع القماش بالقاهرة والاسكندرية
- وكالة البلح: في منطقة بولاق ابو العلا بالقرب من شارع الكورنيش النيل.
- منطقة الغورية: في الازهر (التربيعة) وتفتح محلات الغورية يومياً ماعدا يوم الاحد.
- منطقة الحمزاوى: في الموسكى.
- شارع فرنسا بالاسكندرية: اكبر واقدم سوق للقماش يقع بين تقاطع شارع فرنسا وشارى مولاى محمد بمنطقة المنشية.
الركنة تاخد كام متر قماش
المتر الطولى الواحد للركنة بيحتاج 5.5 متر يشمل الضهر والشلت من غير ما ندخل انواع تانية عشان نعمل منها القاع مثلا يعنى ركنة مكونة من كنبة اتنين وكنبة 3 واتنين فوتية بتحتاج متوسط 35 متر.
متوسط أسعار الركنة الجاهزة
- ركنة 90×325 سم: متوسط 12,850 جنيه
- ركنة 180×240 سم: متوسط 11,850 جنيه
- ركنة كابوتونية 200×300 سم: 20,794 جنيه
- ركنة 320×320 سم: الوان متعددة 19498 جنيه
أبرز الماركات العالمية التى يمكنك من خلالها استعراض احدث اشكال الركنات
طريقة تنظيف الركنة
هناك طرق متعددة لتنظيف الركنة على الناشف ولا تحتاج الى غمره بالماء وتصلح مع مختلف انواع الاقمشة.
الطريقة الأولى:
خلط نصف كوب من بيكربونات الصوديوم مع نصف كوب من الخل ثم نضيف اليهم مقدار من جل تنظيف الملابس ونصف كوب من الداونى.
نخلط المكونات السابقة جيداً وقبل تنظيف الانترية بهم يتم شفط الاتربة من الركنة بواسطة المكنسة الكهربائية ثم يتم دعك الانترية بالكامل بالمزيج السابق من خلا غمس قطعة قماش قطنية بهذا الخليط ثم دعك الانتريه بها.
الطريقة الثانية:
خلط مقدار من سائل الجل الخاص بتنظيف الملابس ثم يضاف اليه كمية من ملح الليمون ومقدار من الخل وكلوروكس الوان.
ثم يتم غمس فرشاة نظيفة ومخصصة لهذا الغرض في المزيج السابق ويتم التنظيف بها على ان يكون هذا الامر سريعا والتجفيف بفوطة نظيفة بصورة سريعة.
